Кукмара районының Янил аграр көллияте үзенең 60 еллык юбилеен билгеләп үтте
Кукмара район мәдәният йортында Янил аграр көллияте үзенең 60 еллык юбилеен билгеләп үтте. Төрле истәлекләргә, чыгышларга, концерт номерларына бай булган бик җылы, эчкерсез очрашу булды ул.
Әлеге уку йорты шушы елларда районыбызны гына түгел, илебезне дә меңләгән иген игүчеләр, җир эшкәртүчеләр һәм башка һөнәр ияләре белән белән тәэмин иткән. Бу хакта «Хезмәт даны» хәбәр итә.
Мөхтәрәм уку йортын юбилее белән район башлыгы Сергей Димитриев, республиканың Авыл хуҗалыгы һәм азык-төлек министры урынбасары Рафаэль Фәттахов, республиканың Мәгариф һәм фән министрлыгының урта һөнәри белем бирү үсеше бүлегенең әйдәп баручы белгече Эльмира Гарипова, Казан Дәүләт аграр университеты ректорының инфраструктуры үсеше һәм җитештерү эшчәнлеге буенча урынбасары Наил Хәмидуллин һәм башка килгән кунаклар котлады.