Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кукмара районының мәктәп яны лагерьларында 1200 бала ял итә
Кукмарада мәктәп укучыларының җәйге каникулларын кызыклы һәм файдалы итеп уздыру максатында, ял лагерьлары үз эшчәнлекләрен башлап җибәрде. Бу хакта «Хезмәт даны» хәбәр итә.
«Галактика» балалар иҗат үзәге директоры Лира Усманова сүзләренчә, районның 24 белем йортында оештырылган көндезге мәктәп яны лагерьлары 21 июньгә кадәр эшләп, аларда 7 яшьтән 17 яшькә кадәрге 1200 бала ял итәчәк.
«Лагерьларга, иң беренче чиратта, балигъ булмаганнар белән эшләү бүлегендә исәптә торучы, физик мөмкинлеге чикле малай-кызлар, аз тәэмин ителгән, күпбалалы, авыр тормыш хәлендәге гаиләләрнең һәм махсус хәрби операциядә катнашучы райондашларның балалары кабул ителде», - ди ул.
Лагерьларның барысы да махсус программа нигезендә эшли. Күпчелек чаралар хәрби-патриотик, физик тәрбия һәм сәламәтлек, экология-биология, сәнгать-эстетика белән бәйле булачак, шулай ук истәлекле даталар да игътибардан читтә калмаячак. Укучылар иртәнге сәгать сигездән көндезге сәгать икегә кадәр төрле экскурсияләргә йөри, ял итә, ике тапкыр туклана.
Ә менә Камышлы урманы буенда сыенып утыручы «Нараткай» лагеренда төзекләндерү эшләре бара. Шуның өчен ул быел балаларны 1 июльдән Урта Комар мәктәбе базасында кабул итә.
«Нараткай»да барлыгы 375 бала ял итеп, үзенең сәламәтлеген ныгыта алачак. Берәр атналык дүрт сменага Манзарас, күппрофильле лицей, Кукмараның өченче һәм дүртенче урта мәктәпләре беркетелде.
Кызыклы яңалыкларны күзәтеп бару өчен Телеграм-каналга язылыгыз