Кукмара районында яшәүче юбилярны Дәүләт Советы депутаты Римма Ратникова котлады
Скопировать ссылку
Кукмара районында Нормабаш авылында яшәүче Зәйтүнә Нәфыйк кызы Мөгыйнова үзенең 95 яшьлек күркәм юбилеен билгеләп үтә. Бу хакта «Хезмәт даны» хәбәр итә.
Юбилярны котларга Татарстан Дәүләт Советы депутаты Римма Ратникова, район башлыгы урынбасары Резидә Гаянова, район социаль яклау бүлеге җитәкчесе Регина Мусина, Байлангар авыл җирлеге башлыгы Илнар Кәримуллин килгән иде.
Алар Зәйтүнә апага Россия Федерациясе Президентының котлау открыткасын, район башлыгының Рәхмәт хатын, истәлек бүләкләре тапшырды, үзләренең иң җылы теләкләрен ирештерде.
Зәйтүнә апа бик бәхетле. Аның алты баласы, 22 оныгы, 27 оныкчыгы бар.