Кукмара мәдрәсәсе шәкертләре диплом эшләрен онлайн рәвештә яклады
Шәкертләрнең чыгышларына Татарстан мөселманнары Диния Нәзарәтенең уку-укыту бүлеге мөдире Айдар хәзрәт Карибуллин бәя биргән.
(Казан, 21 май, «Татар-информ»). 19 майда Кукмара мәдрәсәсендә быелгы чыгарылыш шәкертләренең бер өлеше диплом эшләрен якладылар. Санитар-эпидемиологик вәзгыятьне исәпкә алып, чара онлайн режимда — видеоэлемтә аша оештырылды. Бу турыда Татарстан Диния нәзарәтенең матбугат хезмәте хәбәр итте.
Мәдрәсә мөгаллимнәре белән бергә шәкертләрнең чыгышларын Татарстан мөселманнары Диния Нәзарәтенең уку-укыту бүлеге мөдире Айдар хәзрәт Карибуллин да бәяләде.
«Мөфтият вәкиле мәдрәсәне тәмамлаучыларның фәнни эшчәнлек нәтиҗәләренә югары бәя бирде», диелә хәбәрдә.
