Кукмара күппрофильле лицее бүген 155 еллык юбилеен бәйрәм итә
Кукмара күппрофильле лицее бүген үзенең 155 еллык күркәм юбилеен бәйрәм итә. Бәйрәм тантанасына бик күп чыгарылыш укучылары, кунаклар килгән. Бу хакта «Хезмәт даны» сайтында Алсу Сәләхетдинова яза.
Тантаналы өлеш белем йортының актлар залында үтте. Чарада катнашучыларны район башлыгы Сергей Димитриев, Татарстан Дәүләт Советы депутаты Римма Ратникова, район мәгариф идарәсе җитәкчесе Илфат Әхмәдуллин сәламләде. Алар үзләренең ихлас тәбрикләүләрен, котлауларын ирештерде.
Бәйрәм укытучыларны бүләкләү, концерт программасы белән үрелеп барды.
Программада лицейга экскурсия, күргәзмәләр карау, музей белән танышу да бар иде. Шулай ук очрашуга килүчеләргә музыкаль-әдәби композиция дә тәкъдим ителде.
Кичке сәгать 8дән кичке сәгать 10га кадәр «Ретро стилендә» бәйрәм дискотекасы уза.