Хәвеф-хәтәр 27 ноябрь 2018 23:00

Кукмара кешесе мошенникның картасына акча салган

Полициягә мөрәҗәгать иткән хатынның ире ярдәм сораучыга акча күчергән.

Скопировать ссылку

(Кукмара, 27 ноябрь, "Татар-информ", "Хезмәт даны"). Район эчке эшләр бүлегенең дежур частена Кукмара районында яшәүче хатын-кыз мөрәҗәгать итеп, мошенниклар тозагына эләгүен хәбәр иткән. Бу турыда җирле басма хәбәр итә.

"ВКонтакте" социаль челтәрендә аның абыйсы исеменнән иренә акча биреп торуын сорап язган шәхси хат килгән. Ә ире, ике дә уйламыйча, 3 мең 500 сум акчаны хатта күрсәтелгән банк картасына күчергән.

Билгеле бер вакыттан соң, хатны абыйсының социаль челтәрдәге битеннән билгесез кеше җибәргәнлеге ачыкланган.

#Кукмара #Хезмәт даны

Сәхифәләр

Кукмара кешесе мошенникның картасына акча салган