Авыл 18 ноябрь 2018 13:37

Кукмара халкы үзара салым акчасының җирлектәге мәсьәләләрне чишәр өчен тотыласына ышана

Бүген Татарстанда үзара салым буенча референдум уза.

Скопировать ссылку

(Кукмара, 18 ноябрь, "Татар-информ", “Хезмәт даны”). Кукмарада референдумда тавыш бирүчеләр үзара салым программасында җыелган акчалар районны төзекләндерүгә тотылыр hәм социаль мәсьәләләрне чишү өчен кулланылыр дип ышана. Җирле басма шул хакта хәбәр итә.

Райондагы 1669нчы номерлы участокка (3нче урта мәктәп) халык иртәдән үк килә башлады. "Референдумда гражданнар актив катнашалар, - ди сайлау участогы рәисе Диләрә Бариева. - Тавыш бирүчеләр үзара салым программасында җыелган акчалар районны төзекләндерүгә тотылыр hәм социаль мәсьәләләрне чишү өчен кулланылыр дип ышана".

Бүген Татарстанда үзара салым буенча референдумда тавыш бирү пунктлары иртәнге җидедән кичке сигезгә кадәр ачык булачак.

#үзара салым #референдум

Сәхифәләр

Кукмара халкы үзара салым акчасының җирлектәге мәсьәләләрне чишәр өчен тотыласына ышана