Спорт 4 октябрь 2016 16:42

Кукмара егете Мәскәүдә узган марафонда беренчелекне алды

Марафонда 30 меңнән артык кеше, шул исәптән 70 илдән җиңел атлетика буенча йөгерешчеләре узышкан.

Скопировать ссылку

(Кукмара, 4 октябрь, “Татар-информ”, “Хезмәт даны”). Кукмара егете - Мәскәүдәге югары уку йортларының берсендә белем алучы Эльмир Хаҗиев Россия башкаласында узган марафонда катнашты, дип хәбәр итә kukmor-rt.ru сайты.

Марафонда 30 меңнән артык кеше, шул исәптән 70 илнең җиңел атлетика буенча йөгерешчеләре узышкан. 42 чакрым 195 метр дистанция бик күпләр өчен бик озын юл, финишка иң җитезләр, чыдамнар, үҗәтләр генә килеп җитә ала. Кукмара егете Эльмир Хаҗиев дистанцияне 2 сәгать 57 минут 40 секундта узып, 18-19 яшьлек егетләр арасында беренчелекне алган. Якташыбыз әлеге җиңүе өчен кыйммәтле бүләкләргә ия булган.

#Кукмара #Эльмир Хаҗиев

Сәхифәләр

Кукмара егете Мәскәүдә узган марафонда беренчелекне алды