Җәмгыять 23 август 2016 20:52

Кукмара, Арча, Балтач, Саба, Мамадыш ятим балалары өчен спорт бәйрәме уздырылды

Кукмарадагы “Сәламәт бул” дигән районара чарада химаячылар бүләкләрен тапшырды

Скопировать ссылку

(Кукмара, 23 август, “Татар-информ”, “Хезмәт даны”). Кукмараның Ринат Мөхәммәтшин исемендәге стадионында ятим, әти-әни тәрбиясеннән мәхрүм калган, тәрбиягә алынган балалар өчен “Сәламәт бул” дип исемләнгән районара спорт бәйрәме булды. Анда тәрбиягә бала алып үстерүче Арча, Балтач, Саба, Мамадыш районнарыннан да гаиләләр чакырылган иде, дип хәбәр итә kukmor-rt.ru сайты.

Балалар йөгерү, скакалкада, озынлыкка сикерү, кул көрәше, капчык киеп йөгерү, таяк тартышу кебек уеннарда көч сынаштылар. Гаиләләр белән чыгып аркан тарттылар. Спорт бәйрәмендә катнашучыларны уллыкка-кызлыкка алу, опека һәм попечительлек буенча республика үзәге директоры Диана Хәбибуллина, район башкарма комитеты җитәкчесенең социаль мәсьәләләр буенча урынбасары Рузалия Галиева, опека һәм попечительлек бүлеге җитәкчесе Нурзидә Габделганиевалар сәламләде. Бәйрәмнең химаячылары нотариус Рафил Вәлиев, эшмәкәр Рамазан Юнысовлар балаларга изге теләкләрен җиткереп, бүләкләр тапшырдылар.

#Кукмара #Арча #Балтач #Саба #Мамадыш #балалар

Сәхифәләр

Кукмара, Арча, Балтач, Саба, Мамадыш ятим балалары өчен спорт бәйрәме уздырылды