Сәясәт 1 сентябрь 2016 17:16

Кремльдә Үзбәкстан Президентының Мәскәүдә дәвалануы турындагы имеш-мимешне кире кактылар

Ялларда республика Хөкүмәте 78 яшьлек Кәримов күпмедер вакыт таләп итә торган дәвалауда дип хәбәр иткән иде

Скопировать ссылку

(Казан, 1 сентябрь, «Татар-информ»). Үзбәкстан Президенты Ислам Кәримов Мәскәүгә дәваланырга килмәде, дип белдерде журналистларга Россия Президенты матбугат секретаре Дмитрий Песков. Бу хакта "РИА-Новости" яза.

Ул шулай ук Россия табибларының Үзбәкстанга китүләре турындагы мәгълүматтан хәбәрдар булмавын белдерде.

"Ислам Кәримовның Мәскәүгә килмәвен раслый алам, ә табибларның Үзбәкстанга баруы турындагы мәгълүматка ия түгелмен", - диде Песков.

Элегрәк ММЧ Бурденко исемендәге Нейрохирургия фәнни-тикшеренү институты белгечләре Үзбәкстанда Кәримовны дәвалау белән шөгыльләнә дип хәбәр иттеләр. Ялларда республика Хөкүмәте 78 яшьлек Кәримов билгеле вакыт таләп итә торган дәвалауда дип хәбәр итте. Соңрак дәүләт башлыгының кызы Лола Кәримова-Тилляева президент инсульттан соң реанимациядә дип, ачыклык кертте.

#Ислам Кәримов #Үзбәкстан

Сәхифәләр

Кремльдә Үзбәкстан Президентының Мәскәүдә дәвалануы турындагы имеш-мимешне кире кактылар