Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кремль Россиядә мобилизациянең яңа дулкыны турындагы хәбәрләрне кире какты
Хәзерге вакытта Россиядә мобилизациянең яңа дулкыны башлануы турында бернинди хәбәр һәм мәгълүматлар да юк, дип белдерде Кремльнең рәсми вәкиле Дмитрий Песков бүген журналистларның сорауларына җавап биреп. Бу хакта РИА Новости агентлыгы хәбәр итә.
Россиядә узган ел игълан ителгән һәм тәмамланган өлешчә мобилизациягә бәйле вазгыять буенча башка мәгълүматлар күренмәде, диде Песков. Кайбер гаммәви мәгълүмат чаралары һәм телеграм-каналлар, имештер, мобилизациянең икенче дулкынын игълан итәргә җыенулары турында хәбәрләр тарата.
Искәртеп узабыз, Россиядә өлешчә мобилизация 21 сентябрьдән 28 октябрьгә кадәр РФ Президенты Владимир Путин указы белән үткәрелде. Резервтагылар һәм иреклеләрне дә исәпкә алып, бу чорда 318 мең кеше хезмәт итәргә китте. Россиядә мобилизациянең төгәлләнүе турында указ чыкмады. Кремльдә исә, өлешчә мобилизация буенча планның үтәлүе һәм бу мәсьәләгә нокта куелу сәбәпле, моңа ихтыяҗ юк дип искәрттеләр.
Кызыклы яңалыкларны күзәтеп бару өчен Телеграм-каналга язылыгыз