Икътисад 6 февраль 2018 20:51

“Кремль доклады” фигурантлары өстәмә тикшерүләргә тап булган

Аларны сәяси әһәмияткә ия кешеләр итеп карарга тәкъдим иткәннәр.

Скопировать ссылку

(Казан, 6 февраль, “Татар-информ”). АКШ Финанс министрлыгы төзегән “кремль доклады” исемлегенә эләккән Россия эшмәкәрләренең берсе өстәмә тикшерүләргә тап булуын җиткергән. Бу хакта Bloomberg агентлыгы берничә чыганакка таянып җиткерә.

Басманың билгесез булып калырга теләгән әңгәмәдәше әлеге исемлеккә эләгүе аркасында килешүенең өзелергә торуын, икенче бер эшмәкәр партнеры каршында абруе җитди төшүен җиткергән.

Банклар һәм финанс куркынычсызлыгын тәэмин итүче оешмаларга консультация бирүче Financial Integrity Network Вашингтон фирмасы клиентларына АКШ Финанс министрлыгы төзегән исемлеккә эләккәннәр белән килешүләрне ныклап тикшерергә һәм аларны сәяси әһәмияткә ия кешеләр итеп карарга тәкъдим иткән. Хәтта аларның туганнары, якыннары да шуңа керә.

Бөтендөнья банкы әлеге мәсьәләдә вакыт срогын куймаска тәкъдим итә, дип белдерә “Ведомости”. АКШ Финанс министрлыгы бастырган исемлеккә 210 россияле кергән. Алар Кремльгә якын эшкуарлар, түрәләр. Араларында Татарстан вәкилләре дә бар.

#Америка санкцияләре #“Кремль доклады”

Сәхифәләр

“Кремль доклады” фигурантлары өстәмә тикшерүләргә тап булган