Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Красноярскида узачак Кышкы универсиада-2019 уты эстафетасының үз сайты эшли башлады
Факел алып баручылар исемлегендә Татарстан кешеләре дә бар.
(Казан, 5 сентябрь, “Татар-информ”). Красноярскида киләсе елда узачак Кышкы универсиада-2019 уты эстафетасының үз рәсми сайты бүген эшли башлады. Бу хакта Красноярскида Бөтендөнья Универсиада – 2019 уты эстафетасы департаментының аналитик-мәгълүмат бүлеге җитәкчесе Виталий Иванов хәбәр итте.
Интернет-чыганакта Студентлар уены уты эстафетасы маршруты, проектта катнашучы шәһәрләр турында кызыклы фактлар белеп булачак. Шулай ук факел алып баручыларның исемлеген, тулы маршрутын, шәһәрләрдәге бәйрәм программасын, яңалыкларны белергә була. Факел алып баручылар исемлегендә Татарстан кешеләре дә бар.
“Кышкы универсиада-2019 уты эстафетасы Италиядәге Халыкара студентлар спорты көнендә — 2018 елның 20 сентябрендә башлана. 1959 елда нәкъ менә биредә Универсиада тарихы башланган. Кышкы универсиада-2019 уты эстафетасы факел йөртүчеләрнең соңгы маршруты 1 мартта Красноярскида булачак”, - диде Иванов.
Казанга факел йөртүчеләр 2018 елның 10 ноябрендә килә. Эстафетада Татарстан Республикасыннан Татарстан спорт министры Владимир Леонов, биатлончы һәм чаңгычы Марта Зәйнуллина, Татарстан дәүләт симфоник оркестры дирижеры Александр Сладковский, Татарстан яшьләр эшләре министры Дамир Фәттахов һәм башкалар катнаша.
Студентлар уены уты Россиянең 30 шәһәре урамнары буйлап узачак. Казаннан тыш чарада Мәскәү, Архангельск, Санкт-Петербург, Калининград, Симферополь, Ростов-на-Дону, Ставрополь, Грозный, Екатеринбург, Владивосток, Иркутск, Барнаул, Новосибирск, Томск, Абакан һәм Кызыл шәһәрләре катнаша.
Кызыклы яңалыкларны күзәтеп бару өчен Телеграм-каналга язылыгыз