Хәвеф-хәтәр 25 июль 2018 21:19

Краснодарда яшәүче ир-ат Татарстан инспекторы белән сугышкан өчен хөкем ителгән

Апрель башында өч исерек ир-ат автомобильдә йөреп килергә уйлаган, әмма аларга ЮХИДИ инспекторы комачаулаган.

Скопировать ссылку

(Казан, 25 июль, “Татар-информ”). Краснодарда яшәүче ир-ат Татарстан инспекторы белән сугышкан өчен 1 елга шартлы рәвештә ирегеннән мәхрүм ителгән. Бу турыда “Татар-информ”га Татарстан прокурорының өлкән ярдәмчесе Руслан Галиев хәбәр итте.

Апрель башында өч исерек ир-ат автомобильдә йөреп килергә уйлаган. 7нче модель “Жигули” руле артына Краснодардан килгән 33 яшьлек ир-ат утырган. Алар машинада Марий Элдан Казан ягына хәрәкәт иткәннәр, каршы як полосага чыккан машинага юл-патруль хезмәте экипажы игътибар иткән. Алар машинаны туктатырга тырышып караганнар, әмма йөртүче инспектор таләбен үтәмәгән һәм зур тизлектә Васильево ягына киткән.

Инспекторлар “Жигули”ны бистәнең торак йортлары янында гына туктата алган. Исерекләр компаниясе автомобиль салоныннан чыккан һәм качмакчы булганнар.

ЮХИДИ инспекторы җиңел машина йөртүчесен киеменнән тоткан, ә тегесе арттан эләктереп алып, җиргә салган.

Качарга теләгән йөртүче үз гаебен тулысынча таныган. Суд ир-атны бер елга шартлы рәвештә хөкем иткән.

#юл һәлакәте #автомобиль

Сәхифәләр

Краснодарда яшәүче ир-ат Татарстан инспекторы белән сугышкан өчен хөкем ителгән