Краснодар Сабан туена бер айдан да аз вакыт калды
Быел милли бәйрәм бу төбәктә 21нче тапкыр үткәреләчәк.
Скопировать ссылку
(Казан, 16 апрель, "Татар-информ"). Краснодар шәһәрендә узачак Сабан туена бер айдан да азрак вакыт калып бара. Быел анда яшәүче милләттәшләр татар халкының милли бәйрәмен 13 май көнне билгеләп үтәргә планлаштыра. Бу хакта Краснодар краеның "Булгар-К" татар берләшмәсе хәбәр итә.
Бәйрәмгә әзерлек һәр пәнҗешәмбе һәм шимбә көннәрендә булачак. Сабан туена әзерлек эшләрендә теләге булган һәр кеше катнаша ала, диелә хәбәрдә.
Мәгълүм булганча, 2017 елда Сабан туе Краснодарда 20нче тапкыр үткәрелде. Яз һәм хезмәт бәйрәме ел саен 250-300ләп милләттәшебезне үзенә җыя. Анда Татарстанның һәм Башкортстанның танылган артистлары чыгыш ясый.
