Сәясәт 12 ноябрь 2009 15:21

КПРФ фракциясе утырышында 2010 елга ТР бюджеты альтернатив проекты буенча фикер алыштылар

Р.Гайзатуллин сүзләренчә, КПРФ фракциясе әгъзаларының искәрмә-тәкъдимнәре республиканың төп финанс документы өстендә эшләгәндә исәпкә алыначак

Скопировать ссылку

(Казан, 12 ноябрь, «Татар-информ»). Бүген ТР Дәүләт Советында узган КПРФ фракциясенең чираттан тыш утырышында 2010 елга ТР бюджеты альтернатив проекты буенча фикер алыштылар. Утырышта ТР финанслар министры Радик Гайзатуллин катнашты.
КПРФ фракциясе җитәкчесе Хафиз Миргалимов утырышны ачканда финанслар министрының коммунистлар әзерләгән бюджетның альтернатив проекты буенча фикер алышуда катнашуыннан канәгать булуын белдерде. “Бу сәяси тормышны демократизацияләү мәсьәләләренең сыйфатлы дәрәҗәгә күчүен дәлилли, - дип билгеләп үтте ул. - Дөрес, без бюджет параметрларына төрле карашта, әмма уртак фикергә килә алырбыз дип уйлыйм”.
КПРФ фракциясе әгъзасы Валентин Кострин фикер алышу вакытында депутатларның мөмкин булган профицитларны исәпкә алып, бюджет керемнәрен билгеләү буенча фикер алышуда катнашырга теләүләрен белдерде. Радик Гайзатуллин үз чиратында РФ һәм ТР бюджет кодекслары нигезендә Финанслар министрлыгы парламентта фикер алышмыйча гына профицит исәбенә беренче чиратта, тиешле ел бюджетында расланган дефицит статьяларны капларга тиешлеген искә төшереп үтте. Бюджет дефицитын каплаган өстәмә керем булган очракта, аларны билгеләү буенча депутатлар белән фикер алышырга кирәк, дип билгеләп үтте ул.
Гомумән алганда, республиканың финанслар министры бүгенге утырышка уңай бәя бирде. “Конструктив диалог бара”, - дип бәяләде ул очрашу нәтиҗәсен. Р.Гайзатуллин сүзләренчә, КПРФ фракциясе әгъзаларының искәрмә-тәкъдимнәре республиканың төп финанс документы өстендә эшләгәндә исәпкә алыначак, дип хәбәр итте ТР Дәүләт Советының матбугат хезмәте.

Сәхифәләр

КПРФ фракциясе утырышында 2010 елга ТР бюджеты альтернатив проекты буенча фикер алыштылар