Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ковидка каршы прививка ясатучылар авырулар белән аралашудан соң изоляциягә җибәрелми
Тиешле карарны РФ баш санитар табибы Анна Попова имзалады.
(Казан, 16 ноябрь, «Татар-информ»). Ковидка каршы прививка ясатучылар авырулар белән аралашудан соң изоляциягә җибәрелми. Бу коронавирус белән авырган яисә вакцинаның ике этабын да ясаткан кешеләргә кагыла һәм хәзерге вакытта авыру билгеләре булмаска тиеш.
Тиешле карарны РФ баш санитар табибы Анна Попова имзалады. Документ хокукый мәгълүматның рәсми интернет-порталында урнаштырылган.
«Covid-19га каршы вакцинациянең тулы курсын узган һәм соңгы алты ай дәвамында коронавирус белән авырган кешеләр, авыруның симптомнары булмаганда, изоляция мәҗбүри түгел», — диелә документта.
Ковидлы авырулар белән элемтәдә булган кешеләрне унынчы — уникенче көнгә коронавируска тикшерәчәкләр.
Карар рәсми басылып чыккан көннән, ягъни иртәгә, 17 ноябрьдә үз көченә керә.
Россиядә прививка ясау кампаниясе дәвам итә. РФ Президенты Владимир Путин вакцинациянең мөһимлеге турында берничә тапкыр искәртте һәм Россиядә коронавируска каршы уйлап табылган препаратларының югары нәтиҗәлелеген һәм куркынычсызлыгын билгеләп үтте.
Кызыклы яңалыкларны күзәтеп бару өчен Телеграм-каналга язылыгыз