news_header_top_970_100
Руc Тат
16+
news_header_bot_970_100
Дин 4 октябрь 2014 09:57

Корбан гаете җитте

Гыйбадәтләр арасында кылыныр өчен иң хәерлесе – корбан чалудыр

Скопировать ссылку

(Казан, 4 октябрь, "Татар-информ").  Корбан гаете (Ид әл-Адха; гарәпчә عيد الأضحى‎‎ ‘Īdu l-’Aḍḥā) — Хаҗ тәмамлануын билгеләгән Ислам бәйрәме. Ураза гаете тәмамлангач 70 көн узуга, Зөлхиҗҗә аеның унынчы көнендә билгеләнә. Мөселманнарның иң зур бәйрәме булып санала. Быел ул 4 октябрьгә туры килә

Корбан бәйрәме күпчелек мөселман илләрендә дәүләт күләмендә билгеләнә. Татарстан, Башкортстан, Адыгея, Чечня, Ингушетия, Кабарда-Балкария, Карачай-Чиркесия һәм Дагстанда ул рәсми ял көне.

Бәйрәм ир кешеләр өчен госел алып, чиста-пакь киемнәрне киеп, мәчеткә гает намазын уку өчен бару белән башлана. Гадәт буенча, мәчеткә барганда тәкъбир — «Аллаh әкъбәр, Аллаh әкъбәр, Лә иләhә иллә Лләhү вә-Ллаh әкъбәр, Аллаh әкъбәр вә-ли-Лләhи-ль-хәмд», — сүзләре әйтелә. Гает намазыннан соң корбан чалына. Аннан соң туганнарны, танышларны зиярат кылу, табыннар әзерләү, бүләкләр тарату кабул ителгән.
 

autoscroll_news_right_240_400_1
autoscroll_news_right_240_400_2
news_bot_970_100