Җәмгыять 16 сентябрь 2016 17:45

Корбан Бердыев Казанга килгән

“Рубин”ның элеккеге остазы Чистай урамында урнашкан мәчеттә булган.

Скопировать ссылку

(Казан, 16 сентябрь, «Татар-информ»). Казанга “Рубин”ның элеккеге баш тренеры, “Ростов” футбол клубының хәзерге вице-президенты Корбан Бердыев килгән.

Казанлыларның элеккеге остазы Чистай урамында урнашкан мәчеттә булган. Әлеге мәчетнең попечителе, “Рубин”ның беренче президенты Камил Исхаков сүзләренчә, ул Корбан Бердыевның Казанга килү максатын белми. “Мин хәзер үзем икенче шәһәрдә һәм Бердыевның ни өчен Казанга килүен белмим”, - дип белдерде ул “Татар-информ” хәбәрчесенә.

“Рубин” клубында команданың элеккеге баш тренерының килүе турында аңлатма бирмәүне өстен күрделәр. Күрәсең, Бердыев Татарстанга үз эшләре буенча килгәндер.

#Корбан Бердыев #"Рубин" #Камил Исхаков

Сәхифәләр

Корбан Бердыев Казанга килгән