Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Корбан бәйрәме алдыннан Казанда хәйрия ифтары узды
Әмәт бистәсендәге мәчеттә үткәрелгән ифтарда 200 кеше кунак булган.
(Казан, 11 август, «Татар-информ»). Кичә, Корбан бәйрәме алдыннан, «Зәкят» хәйрия фонды Казанда хәйрия ифтары уздырды. Бу турыда Татарстан мөселманнары Диния нәзарәте матбугат хезмәте хәбәр итә.
«Кичке мәҗлестә аз керемле, күп балалы һәм авыру балалар тәрбияләүче гаиләләр катнашты», — диелгән хәбәрдә.
Ифтар Әмәт бистәсендәге мәчеттә үткәрелгән, анда 200 кеше кунак булган.
"Зәкят" хәйрия фонды карамагындагы гаиләләр елның иң мөһим көнен бергә җыелып билгеләп үтте. Корбан бәйрәме турында кыска вәгазь тыңладылар, шурпа һәм пылау белән сыйландылар. Балаларга татлы бүләкләр өләштеләр.
Тулаем алганда, Корбан бәйрәме алдыннан Казанда 3 хәйрия ашы узды, авыру бала файдасына акча, мохтаҗларга тарату өчен корбанлыклар җыелган. Бәйрәм башлану белән фонд тарафыннан 1000 аз керемле гаиләләргә һәм 10 социаль учреждениегә 5 тонна корбан ите таратылачак.
Кызыклы яңалыкларны күзәтеп бару өчен Телеграм-каналга язылыгыз