Көрәшче Радик Сәлахов Бөтендөнья күчмә халыклар уеннарында алтын медаль яулады
Скопировать ссылку
Татарстан көрәшчесе Радик Сәлахов 2026 елгы Бөтендөнья күчмә халыклар уеннарының «көрәш» ярышларында абсолют үлчәү авырлыгында җиңүче булды.
Татарстан Рәисе Рөстәм Миңнеханов үзенең «Макс» каналында спортчыны әлеге уңышы белән котлады.
«Радик Сәлахов – 2026 елгы Бөтендөнья күчмә халыклар уеннары җиңүчесе. Ул «көрәш»тә иң көчлесе дип танылды. Безнең егетләр булдыра. Афәрин!», – дип язган Татарстан Рәисе.
- Хәзерге вакытта Россия җыелма командасы алты алтын медаль яулады, аларның бишесе – Татарстан спортчылары исәбендә.