Көрәш буенча Татарстан чемпионаты киләсе елда Алабуга шәһәрендә узачак
Скопировать ссылку
Көрәш буенча Татарстан чемпионаты 15-17 гыйнвар көннәрендә Алабуга шәһәренең Җиңел атлетика манежында узачак. Бу хакта Татарстан көрәш федерациясе хәбәр итә.
Көрәшчеләр 60, 65, 70, 75, 80, 85, 90, 100, 130 һәм 130 килограммнан авыррак булган үлчәү авырлыкларында бил алышачак. Оештыручылар хәбәр итүенчә, моңа кадәр гамәлдә булган 115 килограмм үлчәү авырлы төшереп калдырылган.
Ярышларның баш хөкемдары итеп танылган тренер Айрат Миңнегалиев билгеләнгән.
Чемпионатның финал алышлары, концерт программасы һәм җиңүчеләрне бүләкләү 17 гыйнвар көнне узачак.