Кораллы Көчләр Генштабы: Россиядә чакырылыш буенча хәрби хезмәт дәвамлылыгы үзгәрми
Россиядә чакырылыш буенча хәрби хезмәт дәвамлылыгы үзгәрми, ул бер ел тәшкил итәчәк. Бу хакта бүген брифингта Россия Кораллы Көчләре Генераль штабның Баш оештыру-мобилизация идарәсе башлыгы урынбасары контр-адмирал Владимир Цимлянский хәбәр итте.
«Хәрби хезмәткә чакырылучыларны җыю пунктларыннан җибәрү 2023 елның 16 октябреннән планлаштырылган. Чакырылыш буенча хәрби хезмәт вакыты элеккечә үк 12 ай тәшкил итәчәк», — диде ул.
Барлык чакырылучылар да хәрби хезмәтне үтү өчен Россия Федерациясе Кораллы көчләренең даими дислокация пунктларына җибәреләчәк. Бу хакта Саклану ведомствосының Telegram каналы хәбәр итә.
1 октябрьдән Россия Федерациясенең барлык субъектларында көзге чакырылыш башлана. Искәрмә булып Ерак Төньякның аерым районнары тора — климат шартларына бәйле рәвештә чакырылыш анда 1 ноябрьдән башлана.
- Россия Федерациясе Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында күбрәк белү өчен heroes-tatarstan.ru сайтына яки 117 телефоны аша мөрәҗәгать итәргә мөмкин.