Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Контрактчыларның балалары өчен белем бирү ташламалары турында проект тәкъдим ителә
Депутатлар Дәүләт Думасына махсус хәрби операциягә үз теләге белән китүчеләрнең балаларын башка хәрбиләрнеке кебек үк ташламаларга хокукны тәэмин итәчәк закон проектын кертергә ниятли. Бу хакта РИА Новости Дәүләт Думасы депутаты Сергей Миронов сүзләренә сылтама белән хәбәр итә.
Ул билгеләп үткәнчә, инициатива закондагы бушлыкны бетерүгә юнәлдерелгән, шуның аркасында Саклану министрлыгы белән килешү төземәгән контрактчыларның балалары мәгариф өлкәсендәге ярдәм чараларыннан, мисал өчен, югары уку йортларына ташламалы, балалар бакчаларына, мәктәпләргә һәм лагерьларга өстенлекле керү чараларыннан файдалана алмый.
Закон чыгару инициативасы өчен гражданнарны шәхси кабул итү вакытындагы бер очрашу сәбәп булган. Мироновка 2022 елда Артемовск өчен сугышта һәлак булган «Вагнер» шәхси хәрби компания хәрбиенең тол хатыны мөрәҗәгать итә. Ул үлгәннән соң Батырлык ордены белән бүләкләнүгә һәм хәрби хәрәкәтләрдә катнашучы статусын алуга карамастан, аның балалары белем бирү ташламаларына хокуксыз калган.
Сәясәтче сүзләренчә, закон проектын әзерләү берьюлы өч законга үзгәрешләр кертүне таләп итәчәк. Ул ассызыклаганча, фракция аларны кабул итүгә ирешәчәк, элегрәк ул «Вагнер» шәхси хәрби компания хәрбиләрен хәрби хәрәкәтләр ветераны дип тануга ирешкән иде.
Кызыклы яңалыкларны күзәтеп бару өчен Телеграм-каналга язылыгыз