«Конституция волонтерлары» Татарстанда 60 меңгә якын кешегә консультация бирде
Иреклеләр илнең Төп законына төзәтмәләр турында 450 меңнән артык белешмә материал тараткан.
(Казан, 30 июнь, «Татар-информ», Арсений Кәримов). «Конституция волонтерлары» оешмасының Татарстандагы мәгълүмат үзәкләре эше дәвамында ирекле ярдәмчеләр 60 меңгә якын кешегә төзәтмәләр буенча консультация бирде, аларга 450 меңнән артык өләшү материаллары таратылды. Бу хакта «Татар-информ» мәгълүмат агентлыгында узган матбугат конференциясендә «Татарстан Республикасы Иреклеләр мәгълүмат-ресурс үзәге» коммерцияле булмаган автоном оешмасы җитәкчесе Айрат Мөбарәкшин сөйләде.
«451 мең данә өләшү материалы таратылды. Без үткәргән күзәтүләр нигезендә, Конституциягә төзәтмәләр буенча 60 меңгә якын кеше консультация алды», - диде Айрат Мөбарәкшин.
Ул һәр кешегә берничә тарату материалы тапшырылды, диде.
Элегрәк «Татар-информ» Казанда Конституциягә төзәтмәләр буенча консультация алу өчен биш мәгълүмат ноктасы булуын хәбәр иткән иде.