Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Конституция буенча онлайн-тавыш бирү өчен төбәкләргә гаризалар җибәрергә туры киләчәк
Әлегә рәсми рәвештә тавыш бирү көне билгеләнмәгән.
(Казан, 27 май, «Татар-информ»). Россия төбәкләре Конституциягә төзәтмә турында закон буенча электрон тавыш бирү үткәрү өчен Үзәк сайлау комиссиясенә плебисцит датасын билгеләгәннән соң гына рәсми гаризалар бирә ала. Бу хакта Үзәк сайлау комиссиясе рәисе Элла Памфилова белдерде, дип хәбәр итә ТАСС.
«Әлегә рәсми рәвештә тавыш бирү көне билгеләнмәгән», – дип аңлатты Памфилова.
Шул ук вакытта агентлык әңгәмәдәше Үзәк сайлау комиссиясе март аенда Мәскәүнең онлайн-тавыш бирү үткәрү турындагы гаризасын карамаган һәм ул искергән инде, диде. Хәзер башкалага тиешле гаризаны кабат җибәрергә туры киләчәк.
Памфилова шулай ук «бердәм тавыш бирү көнендә булачак сайлауларда Үзәк сайлау комиссиясе илнең бер яки ике төбәгендә генә электрон тавыш бирү технологиясенең беренче пилот проектларын сынап карарга ниятли», - дип искәртте.
Элегрәк «Татар-информ» Россия Президенты Владимир Путин социаль челтәрдә һәм почта аша дистанцион тавыш бирү турындагы законга кул куйганлыгын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз