Константиновкада Казан мәктәбендәге һөҗүмдә һәлак булган укытучыны җирләделәр
Башлангыч сыйныф укытучысын соңгы юлга кызы, туганнары, хезмәттәшләре, дуслары озатты.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 12 май, «Татар-информ», Гадел Әхмәтҗанов). Бүген Константиновка бистәсендәге зиратта Казанның 175нче гимназиясендәге фаҗигадә һәлак булган 55 яшьлек башлангыч сыйныф укытучысы Венера Айзатованы җирләделәр.
Мәрхүмә белән хушлашырга кызы Гөлнара, туганнары, хезмәттәшләре, укучылары, дуслары килгән иде. Хушлашу мәрасимендә Татарстан мәгариф һәм фән министры Илсур Һадиуллин да катнашты.
Казанның 175 нче мәктәбендә атыш вакытында яраланган Венера Айзатова беренче сыйныфларның яраткан укытучысы булган.
Укытучы башкаларның гомерен саклап калган дияргә була: ул җинаятьченең игътибарын үзенә алган, шуңа күрә ул балалар утыра торган бүлмәгә кермәгән.
Венера Айзатова мәктәптә яралана, аны хастаханәгә илтәләр. Ләкин, кызганычка каршы, табиблар аның гомерен саклап кала алмый.
Мәрхүмәнең туганнары һәм якыннарының тирән кайгысын уртаклашабыз.
Бүген Татарстанда матәм көне игълан ителде.