Татар дөньясы 20 гыйнвар 2018 09:42

Конгресста туган як тарихына багышланган китаплар белән таныштыралар

Презентация 2018 елның апрель аенда узачак Бөтенроссия Төбәк тарихын өйрәнүчеләр форумына әзерлек булып тора.

Скопировать ссылку

(Казан, 20 гыйнвар, «Татар-информ»). Бөтендөнья татар конгрессы Татарстанның Төбәк тарихын өйрәнүчеләр җәмгыяте белән берлектә туган як тарихына багышланган басмаларның презентацияләрен оештыра. Чарада «Сатыш-гасырлар аша 1170-2017 еллар» (Казан, 2017) һәм «Хуҗа Хәсән — минем гомер бишегем» (Казан, 2017) китапларын тәкъдим итәчәкләр. Бу хакта Бөтендөнья татар конгрессы матбугат хезмәте хәбәр итә.

Китапларны халыкка тәкъдим итү Татарстанның төбәк тарихын өйрәнүчеләр советы утырышы кысаларында уздырыла. Чара 2018 елның апрель аенда узачак Бөтенроссия Төбәк тарихын өйрәнүчеләр форумына әзерлек булып тора.

Презентация 26 гыйнвар көнне 14:00 сәгатьтә Бөтендөнья татар конгрессы Башкарма комитетының конференцияләр залында узачак (К. Маркс урамы, 38/5 ).

#бөтендөнья татар конгрессы #китап презентациясе

Сәхифәләр

Конгресста туган як тарихына багышланган китаплар белән таныштыралар