Татар дөньясы 28 июль 2017 21:39

Конгрессның VI съездында Татарстан һәм Федераль Үзәк арасындагы килешү хакында сүз була

Съезд үз сүзен әйтер дип уйлыйм, чөнки бу турыда әйтмәсәң, махсус дәшми калган кебек килеп чыгачак, ди Ринат Закиров.

Скопировать ссылку

(Казан, 28 июль, "Татар-информ", Лилия Локманова). Август аенда Татарстан һәм Федераль Үзәк арасында төзелгән килешүнең вакыты чыга. Əлеге мәсьәләне Бөтендөнья татар конгрессының VI утырышында да күтәрәчәкбез, диде бүген матбугат конференциясендә Бөтендөнья татар конгрессы Башкарма комитеты рәисе Ринат Закиров.

"Шартнамә мәсьәләсе – ул җәмәгать оешмасының төп эше түгел. Бу дәүләт органнары эшчәнлегенә карый. Шулай булуга да карамастан, ул безнең халкыбызның тормышы белән бәйле. Съезд үз сүзен әйтер, дип уйлыйм. Чөнки бу турыда әйтмәсәң, махсус дәшми калган кебек килеп чыгачак. Ул – яшәешебез, киләчәгебез, республикабызның киләчәге", – диде Ринат Закиров.

Билгеле булганча, съезд 2-6 август көннәрендә Казанда узачак. Анда 1054 кеше чакрулы.

#Конгресс #съезд

Сәхифәләр

Конгрессның VI съездында Татарстан һәм Федераль Үзәк арасындагы килешү хакында сүз була