Конго тышкы эшләр министры: БРИКС саммиты Россиянең изоляциядә булмавын күрсәтте
Казанда БРИКС саммитын уңышлы уздыру Россияне изоляцияләү барып чыкмаганлыкны күрсәтте. Бу хакта Россия-Африка партнерлыгы форумының беренче министрлар конференциясе кысаларында Россиядәге коллегасы Сергей Лавров белән сөйләшү барышында Конго Республикасы тышкы эшләр, Франкофония һәм чит илләрдә Конго халкы эшләре буенча министры Жан-Клод Гакосо рус телендә белдерде.
Сөйләшүнең бу мизгеленнән видеоязманы РФ Тышкы эшләр министрлыгы рәсми вәкиле Мария Захарова телеграм-каналында урнаштырды.
«Россияне Казанда БРИКС саммитын уңышлы уздыру белән котлыйм. Халыкара мәйданда Россиянең дипломатик уңышын билгеләп үтәсем килә: бик күпләр Россия дипломатик изоляциядә, дигән иде, хәзер исә барысы да бөтен дөньяның яртысы диярлек Казанда җыелганны күрде», - диде Конго дипломаты.
Уналтынчы БРИКС саммиты Казанда 22-24 октябрьдә узды. Кунаклар арасында Конго Республикасы Президенты Дени Сассу-Нгессо да булды.