Конфедерацияләр кубогында бүген ике матч уза
Россия футболчылары Мәскәүдә Португалия җыелма командасы белән очраша.
Скопировать ссылку
(Казан, 21 июнь, "Татар-информ"). Футбол буенча Конфедерацияләр кубогында бүген ике матч уза – "А" төркемендә чыгыш ясаучы командалар икенче очрашуларын уздыра. Россия футбол җыелмасы Мәскәүдә Португалия футболчылары белән көч сынаша.
21 июнь. Конфедерацияләр кубогы. "А" төркеме. Икенче тур:
Россия – Португалия. Мәскәүнең "Спартак" стадионы. 18.00. (Беренче канал).
Мексика – Яңа Зеландия. Сочиның "Фишт" стадионы. 21.00 ("Матч ТВ").
Исегезгә төшерәбез, Россия футболчылары Санкт-Петербургта узган беренче уенда Яңа Зеландия командасын отты (2:0), ә "Казан Арена"да узган Португалия-Мексика каршылыгы тигез исәпкә (2:2) төгәлләнде.