Конфедерацияләр кубогы ярымфиналында Португалия җыелмасы Казанда уйнаячак
Криштиану Роналду һәм аның командасының көндәше бүген билгеле була.
Скопировать ссылку
(Казан, 25 июнь, "Татар-информ"). Конфедерацияләр кубогында "А" төркемендә ярымфиналга чыккан командалар билгеле булды: "Казан Арена" стадионында Мексика командасына оттырган (1:2) Россия җыелмасы кубок өчен көрәштән төшеп калды.
Төркемнең соңгы турында Россия-Мексика командалары матчы – 1:2, Португалия-Яңа Зеландия җыелмалары уены – 4:0 исәбе белән төгәлләнде. Шулай итеп, төркем этабын Португалия җыелмасы беренче урында төгәлләде. Мексика – икенче, Россия өченче баскычта.
Португалия һәм Мексика командаларының ярымфиналдагы пары бүген, "В" төркемендәге соңгы тур уеныннан соң билгеле булачак. Шунысын да әйтергә кирәк, Португалия командасы ярымфиналны 28 июньдә Казанда уздыра.