Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Конфедерацияләр кубогы җанатары бизгәк авыруы белән хастаханәгә озатылган
Роспотребнадзор башлыгы Анна Попова сүзләренчә, хаста Россия гражданины түгел.
(Казан, 28 июнь, «Татар-информ»). Россиядә үткәрелә торган Конфедерацияләр кубогы җанатары бизгәк авыруы белән хастаханәгә озатылган. Бу хакта бүген медиаүзәктә узган матбугат конференциясендә Кулланучыларның хокукларын яклау һәм кеше иминлеге өлкәсендә күзәтчелек Федераль хезмәтенең (Роспотребнадзор) башлыгы Анна Попова белдерде, дип хәбәр итә “Российская газета”.
Илнең баш дәүләт санитар табибы Россиядәге һәм чит илдәге йогышлы авырулар турында сөйләде.
"Кичә чемпионатның бер җанатарында бизгәк авыруы табылды, аны хастаханәгә озаттылар, хәле канәгатьләнерлек", – дип җиткерә Попова. Аның сүзләренчә, хаста Россия гражданины түгел.
Роспотребнадзор башлыгы шулай ук Россиядә хәзер бизгәк авыруы булмавын да әйтте.
Искәртеп узыйк, Конфедерацияләр кубогы матчлары Мәскәү, Санкт-Петербург, Сочи һәм Казанда уза. Бүген Татарстан башкаласында Португалия һәм Чили арасында беренче ярымфинал матчы узачак.
Кызыклы яңалыкларны күзәтеп бару өчен Телеграм-каналга язылыгыз