Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Көндез Татарстанда бераз кар, бозлавык һәм -21 градуска кадәр салкын булуы көтелә
![Көндез Татарстанда бераз кар, бозлавык һәм -21 градуска кадәр салкын булуы көтелә](https://www.tatar-inform.ru/resize/shd/images/uploads/news/2024/1/6/791146117ecbd286ee851b8a5f395039.jpg)
Бүген, 6 гыйнварда, Татарстанда элегрәк урнашкан аномаль салкын һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада аязучан болытлы һава торышы булачак. Көндез урыны белән бераз кар яварга мөмкин, Казанда кар көтелми, дип искәртә синоптиклар.
Төньяк-көнчыгыштан һәм көнчыгыштан секундына 3-8 метр тизлектә җил исәчәк. Юлларда, шул исәптән ТР башкаласында да, бозлавык барлыкка киләчәк.
Төнге һәм иртәнге салкыннардан соң (-26, аязган вакытта -30 градуска кадәр) термометрның терекөмеш баганасы -16..-21 градустан (Казанда -17..-19 градустан) да югары күтәрелмәячәк.
Татарстанда аномаль салкыннар аркасында кисәтү игълан ителгән иде, ул 4-9 гыйнварда гамәлдә булачак. Шул ук вакытта, гыйнвар аенда республикада кар гадәттәгедән күбрәк явар дип көтелә. Айның беренче көннәрендә температура нормадан сигез градуска түбәнрәк булачак.
Казан федераль университетының Экология һәм табигатьтән файдалану институты профессоры Юрий Переведенцев элегрәк белдергәнчә, шуңа да карамастан 2024 ел тулаем алганда бик җылы булыр дип көтелә.
Кызыклы яңалыкларны күзәтеп бару өчен Телеграм-каналга язылыгыз