news_header_top
16+
news_header_bot
news_top

Көнчыгышны өйрәнүче галим Фәрит Әсәдуллин Мәскәүдә яңа китабын тәкъдим итәчәк

21 августта Мәскәүнең Татар мәдәни үзәгендә көнчыгышны өйрәнүче галим, Россия Фәннәр академиясе Көнчыгышны өйрәнү институтының әйдәп баручы фәнни хезмәткәре Фәрит Әсәдуллин «Мәскәүнең тарихи мирасында көнчыгыш» дигән китабын тәкъдим итәчәк. Бу хакта Татарстанның Россиядәге Вәкаләтле вәкиллеге телеграм-каналында хәбәр ителә.

«XVI–XVII гасырларда биредә бөтен мөселман Көнчыгышының диярлек «дипломатик корпусы» булган, без хәзер дә шуны күзәтәбез: шул ук Арбатны, Ордынканы, Басман урамын гына алыйк. Боларның барысы да төрки-мөселман халыкларының шәһәребездәге төп халык булуы хакында сөйли», - ди Фәрит Әсәдуллин.

Башлана 16.00 сәгатьтә.

Адресы: Кече Татар тыкрыгы, 8, Мәскәүнең Татар мәдәни үзәге (татар теле залы).

Чарага теләге булган һәркем килә ала, диелә хәбәрдә.

news_right_1
news_right_2
news_bot