Комида автобус кыргый җәнлек аркасында һәлакәткә очраган булуы мөмкин
Автобус йөртүче белдергәнчә, юлга кинәт эт яки төлке йөгереп чыккан.
Скопировать ссылку
(Казан, 24 декабрь, «Татар-информ»). Комида автобус кинәт юлга йөгереп чыккан кыргый җәнлек аркасында һәлакәткә очраган булуы ихтимал. Юл-транспорт һәлакәтендә 12 кеше зыян күргән, дип хәбәр итә ТАСС.
Автобус йөртүче белдергәнчә, юлга кинәт эт яки төлке йөгереп чыккан. Ул тормозга баскан һәм автобус кюветка төшеп киткән.
Элек «Татар-информ» агентлыгы Куратово – Широкий Прилук трассасында 49 пассажир утырган «Мерседес» автобусы кюветка төшкән һәм әйләнгән, дип хәбәр иткән иде. 5 олы кеше һәм бер бала төрле дәрәҗәдәге җәрәхәтләр белән хастаханәгә озатылган.
