news_header_top
16+
news_header_bot
news_top

Коляскалы спортчылар арасында илкүләм баскетбол турниры Казанда үтәчәк

Ярышта Казан, Ижевск, Мәскәү, Владивосток, Чиләбе, Чаллы һәм Ульяновск командалары чыгыш ясаячак.

 (Казан, 24 ноябрь, “Татар-информ”) Казанда коляскалы спортчылар арасында баскетбол буенча Бөтенроссия турниры үтәчәк. 26-27 ноябрьдә узачак ярышларда 90 спортчы катнашачак, дип хәбәр итә “Татмедиа” агентлыгының гаммәви коммуникацияләр белән эшләү һәм җәмәгатьчелек белән элемтә бүлеге.

Васильево бистәсендәге “УНИКС” баскетбол клубының укыту-күнекмә үзәге спорт мәйданында узачак ярышта Казан, Ижевск, Мәскәү, Владивосток, Чиләбе, Чаллы һәм Ульяновск командалары чыгыш ясаячак. 
 
Турнир Бөтенроссия инвалидлар җәмгыяте, Россиянең инвалидлар спорт берлеге һәм Бөтенроссия инвалидлар берлегенең Татарстан бүлеге тарафыннан оештырыла. Җиңүчеләр иң күп җыйган очколар буенча билгеләнәчәк.

news_right_1
news_right_2
news_bot