Кол Шәриф мәчетендә бәйрәм намазы укылды
"Татар-информ" тарафыннан Кол Шәриф мәчетендәге бәйрәм онлайн трансляцияләнде.
Скопировать ссылку
(Казан, 25 июнь, "Татар-информ"). Бүген бөтен дөнья мөселманнары Рамазан ае тәмамлануын – Ураза гаетен бәйрәм итә.
Бәйрәм уңаеннан Татарстанның шәһәр һәм авылларында да бәйрәм намазлары укылды. Казанның Кол Шәриф мәчетендә узган бәйрәм намазы да, гадәттәгечә, үзенә күп санда мөселмән кардәшләрне җыйды. Ураза гаете намазы иртәнге сәгать дүрттә укылды, бәйрәм хөтбәсе 04.05 сәгатькә билгеләнгән иде. Бәйрәм намазын Кол Шәриф мәчете имамы Илфар хәзрәт Хәсәнов башлап укыды.
Исегезгә төшерәбез, Кол Шәриф мәчетендәге бәйрәм намазы "Татар-информ" мәгълүмат агентлыгы тарафыннан онлайн трансляцияләнде.
