Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Клава Кока Казанда яңа цифрлы чынбарлык фестивалендә бер сәгать чыгыш ясаячак
30 августта Казанның Меңьеллык паркында TatarstanFuture яңа цифрлы чынбарлык фестивале узачак. Вакыйганың хедлайнеры җырчы Клава Кока булачак.
Җырчыдан тыш, мәйданчык кунакларын мультимедиа тамашасы, диджейлар һәм «Оммаж» музыкаль төркеме чыгышлары, VR-перфоманс, Татарстан командаларыннан косплей-фильм, күргәзмәләр һәм бию батллары көтә. Шулай ук фестиваль кунаклары блогер Влад Кобяков белән аралаша алачак. Бу хакта оештыручылар хәбәр итә.
Аннары тамашачыларга цифрлы чынбарлыкка багышланган лазер тамашасы тәкъдим итәчәкләр. Ул Клава Коканың 20.15 сәгатьтә башланачак бер сәгатьлек концертының бер өлеше булачак.
Чарага теләге булган һәр кеше килә ала - моның өчен билет та, алдан теркәлү дә кирәк булмаячак. Фестиваль 11.00 сәгатьтә башлана һәм 21.30 сәгатьтә тәмамлана.
Яңа цифрлы чынбарлык фестивале Татарстанда Цифрлаштыру елы кысаларында уздырыла.
Кызыклы яңалыкларны күзәтеп бару өчен Телеграм-каналга язылыгыз