Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Китапханә паркта" бәйрәмендә китапханә фонды тулыланган
Элеккеге инженер-конструктор һәм космос белән бәйле техника өлкәсендә белгеч, язучы Мәгариф Раянов биш басмасын китапханәгә бүләк иткән.
(Казан, 26 июнь, "Татар-информ"). Татарстан Республикасы Милли китапханәсе 18 июньдә үткәргән "Китапханә паркта" дигән спорт һәм китап бәйрәме вакытында Мәгариф Раянов үз әсәрләрен китапханә фондына бүләк итеп тапшырган. Бу турыда Милли китапханә матбугат хезмәте хәбәр итте.
Элеккеге инженер-конструктор һәм космос белән бәйле техника өлкәсендә белгеч, язучы Мәгариф Раянов "Мәрхәмәт" (2012), "Хәтернамә" (2013), "Усак сагышы" (2015), "Туган ягым – моңлы сагышым" (2016), "И, гомер..." (2017) дип исемләнгән биш китабын китапханә фондына биргән.
"Китапларда авторның төрле елларда язылган шигырь һәм хикәятләре, газета-журналларда дөнья күргән мәкаләләре тупланган. Нигездә әдәп-әхлак темасына багышланган, фәлсәфи уйлануларны бәян иткән, тәэсирле гыйбрәт һәм тормыш тәҗрибәсе белән уртаклашкан бу әсәрләр, эстетик һәм рухи тәрбия чыганагы буларак, күпсанлы китап сөючеләрнең игътибарын җәлеп итәр", диелгән әлеге хәбәрдә.
Кызыклы яңалыкларны күзәтеп бару өчен Телеграм-каналга язылыгыз