Киров өлкәсеннән килгән автоледи Татарстанда авариягә юлыккан
Юл һәлакәте бүген иртән республиканың Кукмара районында булган.
Скопировать ссылку
(Казан, 1 декабрь, «Татар-информ», Полина Шевчук). Киров өлкәсеннән килгән автоледи Татарстанда авариягә юлыккан. Бу хакта «Татар-информ» агентлыгына аварияне күргән кешеләр хәбәр итте.
Юл һәлакәте бүген иртәнге сигезләр тирәсендә Кукмара районының Кәчемир авылы янында булган.
Трассада Киров өлкәсе номеры куелган «Равон» (машинаны хатын-кыз идарә иткән) һәм «Тойота» автомобильләре юлны бүлешә алмаган. Нәтиҗәдә автоледи, идарәне югалтып, юл читенә төшеп киткән.
Шаһитлар әйтүенчә, медицина ярдәме күрсәтү өчен, табиблар автоледины хастаханәгә алып киткән.