Киров өлкәсендә шагыйрь һәм әдәби тәнкыйтьче Рафаэль Сибатны искә алдылар
Якташлары һәм Казаннан килгән язучылар Рафаэль Сибатның туган авылы Түбән Шөндәге каберен зиярат кылды.
Скопировать ссылку
(Казан, 16 ноябрь, "Татар-информ"). Киров өлкәсенең Урта һәм Түбән Шөн авылларында шагыйрь һәм әдәби тәнкыйтьче Рафаэль Сибатны искә алу чаралары узды. Бу турыда "Бөтендөнья татар конгрессы" матбугат хезмәте хәбәр итә.
Якташлары һәм Казаннан килгән язучылар Фоат Галимуллин, Йолдыз Шәрапова, Язучылар берлеге рәисе урынбасары Раил Гатауллин Рафаэль Сибатның туган авылы Түбән Шөндәге каберен зиярат кылды.
Рафаэль Сибат эшләгән Урта Шөн авылында аның истәлегенә кичә узды. Кичәдә язучылар, мәктәп укучылары, Татар конгрессы һәм өлкәнең мәгариф бүлеге вәкилләре катнашты.