Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Киров өлкәсендә "Нократ моңнары" VI Төбәкара татар җыр һәм бию бәйге-фестивале үтәчәк
Фестивальдә ел саен Киров өлкәсеннән генә түгел, күрше Татарстан районнарыннан да татар җыр һәм бию ансамбльләре катнаша.
(Казан, 31 гыйнвар, “Татар-информ”). 19 мартта Киров өлкәсендә татар халык җыр һәм биюләренә багышланган “Нократ моңнары” VI Төбәкара бәйге-фестивале үтәчәк. Малмыж шәһәренең Мәдәният һәм ял үзәгендә узачак милли сәнгать бәйрәме Бөтендөнья татар конгрессы, Киров өлкәсенең Татар милли-мәдәни мохтарияте тарафыннан оештырыла, дип хәбәр итәләр татар мохтариятеннән.
Ике – вокал һәм бию жанрлары номинацияләрендә, шулай ук төрле яшь категорияләрендә үткәрелүче бәйгедә соло чыгышлар, ансамбльләр башкаруында халык җырлары, классик композиторларның һәм заманча композиторларның әсәрләре тәкъдим ителәчәк.
Киров өлкәсендә бүген 45 меңгә якын татар кешесе гомер кичерә. Татарларның күпчелеге Киров, Нократ Аланы, Сосновка, Малмыж шәһәрләрендә гомер кичерә. “Нократ моңнары” фестивалендә ел саен Киров өлкәсеннән генә түгел, күрше Татарстан районнарыннан да татар җыр һәм бию ансамбльләре катнаша. Бигрәк тә Балтач районы егетләре һәм кызлары һәрвакыт җиңүләр яулап кайта.
Кызыклы яңалыкларны күзәтеп бару өчен Телеграм-каналга язылыгыз