Киров дамбасында ике иномарка бәрелешкән
47 яшьлек хатын-кыз йөртүчене хастаханәгә озатканнар.
Скопировать ссылку
(Казан, 13 июль, “Татар-информ”). Казанның Киров районында ике чит ил автомобиле бәрелешкән. “Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Һәлакәт бүген көндез Несмелов урамы белән Киров дамбасы чатында булган.
Юл-транспорт һәлакәте аркасында, “Ниссан”дагы 47 яшьлек хатын-кыз йөртүчене 12 нче шәһәр хастаханәсенә озатканнар. ”Киа” йөртүчесе зыян күрмәгән.
Казан янгын сүндерү хезмәте зыян күрүчегә беренче ярдәм күрсәткән һәм автомобильләрнең аккумляторларын сүндергәннәр.
