Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Киләсе уку елына бердәм дәүләт имтиханының минималь балларын тәкъдим иттеләр
РФ Мәгариф министрлыгы 2025/2026 уку елына Бердәм дәүләт имтиханы минималь балларын раслады. Документ норматив хокукый актлар проектлары федераль порталында урнаштырылган.
Киләсе уку елында рус теле һәм җәмгыять белеменнән имтихан тапшыру өчен укучыларга кимендә 42 балл җыярга кирәк була. Информатикадан укучы ким дигәндә 44 балл, география һәм әдәбияттән исә 40 балл җыярга тиеш.
Математика, физика, химия һәм биологиядән имтихан тапшыру өчен кимендә 39 балл булырга тиеш. Тарихтан минималь чикне 35, ә чит телләрдән 30 балл дәрәҗәсендә билгеләнгән.
Элегрәк хәбәр ителгәнчә, Дәүләт думасы мәгариф комитеты чыгарылыш укучыларына төп гомуми һәм урта гомуми белем бирү программалары буенча БДИ һәм дәүләт имтиханнары арасында сайлау мөмкинлеге бирү тәкъдим итүче закон проектын кире какты.
Кызыклы яңалыкларны күзәтеп бару өчен Телеграм-каналга язылыгыз