Киләсе атнадан Татарстанда коронавирустан вакцинаны йоткылык аша ясый башлыйлар
Вакцина ике компонентлы, беренчесеннән соң өч атна узгач, икенчесе кертелә.
Киләсе атнадан Татарстанда коронавирустан Спутник V вакцинасын борын аша (назаль вакцина) да кертеп булачак. Бу хакта «Татар-информ» агентлыгы хәбәрчесенә ТР Сәламәтлек саклау министрлыгының матбугат хезмәтеннән хәбәр иттеләр.
«Татарстан атомайзерлар – препаратны йоткылык өстенә сиптерергә мөмкинлек бирә торган, шприцка киертелә торган җайланмалар сатып алды», - диелә хәбәрдә.
Вакцина ике компонентлы, беренчесеннән соң өч атна узгач, икенчесе кертелә.
Министрлык коронавирус йоктыручылар көннән көн арта баруын искәртә. Табиблар фикеренчә, борынга кертелә торган вакцина ревакцинация өчен иң кулае. Ә беренче тапкыр вакцинация узучыларга Спутник V вакцинасын инъекция рәвешендә кадату киңәш ителә.
Назаль вакцинаның өстенлеген табиблар психологик яктан күрә – борын куышлыгы аша кертү инъекциягә караганда җиңелрәк кичерелә.