Киләсе җәйдә «Нармонка» балалар лагере яңартылган форматта ачыла
Скопировать ссылку
Киләсе җәйдә «Нармонка» балалар лагере яңартылган форматта ачылачак. Лагерь «Зилант» дип аталачак. Бу хакта Казан мэриясе матбугат хезмәте хәбәр итте.
Төзелеш эшләренең барышын ТР яшьләр эшләре министры Азат Кадыйров һәм Казан мэры Илсур Метшин тикшергән.
Биредә волейбол, футбол һәм баскетбол мәйданчыклары, воркаут-зона, амфитеатр һәм чаралар үткәрү өчен урыннар барлыкка киләчәк.
Лагерь концепциясен Казан һәм шәһәрнең мифик символы булган Зилант образы белән бәйләячәкләр.