Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Киләсе елдан балаларны машинада йөртү кагыйдәләре үзгәрә
Россиядә Юл хәрәкәте кагыйдәләрендә 12 яшькә кадәрге балаларны автомобильдә йөртү кагыйдәләре өлешенә кертелгән төзәтмәләр яңа елдан үз көченә керә.
(Казан, 10 ноябрь, «Татар-информ»). 2017 елның 1 гыйнварыннан Россиядә Юл хәрәкәте кагыйдәләрендә 12 яшькә кадәрге балаларны автомобильдә йөртү кагыйдәләре өлешенә кертелгән төзәтмәләр үз көченә керә.
Беренчедән, яңа елдан җиде яшьтән зуррак балаларны машинаның арткы утыргычына махсус тоткыч җайланмадан башка утыртырга ярый. Әмма алгы утыргычка 12 яшькәчә балалар махсус утыргыч ярдәмендә генә утыртыла: бу – шулай иде һәм шулай калачак.
Икенчедән, балалар автокәнәфиенең конструкциясе баланың буена һәм авырлыгына туры килергә тиеш. РФ Эчке эшләр министрлыгында билгеләп үтелгәнчә, бу таләп яшь пассажирны юл-транспорт һәлакәте булганда ныграк саклау өчен мөһим.
Өченчедән, 2017 елның 1 гыйнварыннан җиде яшькәчә балаларны автомобиль салонында үзләрен генә калдыру катгый тыела. Әти-әниләре берничә минутка киткәндә дә баланы үзләре белән алырга тиеш.
Моннан тыш, штраф санкцияләре дә үзгәрә. Балаларны махсус тоту җайланмасыннан башка машинада йөрткән өчен 3 мең сумга кадәр, җиде яшькә кадәрге баланы транспорт салонында үзен генә калдырган өчен 500 сум штраф түләргә туры киләчәк.
Кызыклы яңалыкларны күзәтеп бару өчен Телеграм-каналга язылыгыз