Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Киләсе елда Румыниядә татар көрәше буенча халыкара ярыш уздырырга җыеналар
Быел Румыниядә узган татар көрәше буенча чемпионатта ун илдән алтмыш көрәшче катнашкан.
(Казан, 19 ноябрь, "Татар-информ"). Румыниянең Татар демократик берлеге президенты, Татар көрәше федерациясе җитәкчесе Наим Бельгин 2019 елда Румыниядә татар көрәше буенча халыкара ярыш уздырырга планлаштырылуын әйткән. Бу хакта Бөтендөнья татар конгрессы сайты хәбәр итә.
Быел Румыниядә татар көрәше буенча ярышлар узган. Чемпионатта ун илдән алтмыш көрәшче катнашкан.
Бүген Казанда Бөтендөнья татар конгрессында очрашуда әлеге чарага әзерлек эшләре, хезмәттәшлек турында сөйләштеләр, диелгән әлеге хәбәрдә.
Наим Бельгин бүгенге көндә Румыниядә көн күрүче татарлар тормышы белән таныштырган. Аның сүзләренә караганда, Медгидиа шәһәрендә 23 мең татар яши.
"Румыниядә Сабан туйлары уздырабыз, ифтар мәҗлесләре үткәрәбез, татар телендә газета чыгып килә, китаплар бастырабыз", - дип сөйләгән ул.
Кызыклы яңалыкларны күзәтеп бару өчен Телеграм-каналга язылыгыз