Киләсе елда республикада Бөек Җиңүне бәйрәм итүдә 1,3 меңгә якын ветеран катнашачак
Элек бер районда 1300 ветеран була иде.
(Казан, 24 декабрь, «Татар-информ», Ксения Перепеченова). Киләсе елда Бөек Җиңүнең 75 еллыгын бәйрәм итүдә 1,3 меңгә якын ветеран катнашачак. Кызганыч, соңгы елларда сугыш хәрәкәтләрендә катнашучылар саны нык кимеде — элек бер муниципалитетта шулкадәр ветеран санала иде, диде Татарстан Республикасы Президенты Рөстәм Миңнеханов.
«Кызганыч, узган ел 1300 катнашучы булган. Мин Биектау районы хакимияте башлыгы булганда, 50 еллыкны [Бөек Җиңү көне бәйрәме] бәйрәм итүдә безнең районда гына да 1350 сугыш ветераны бар иде. Турыдан-туры хәрби хәрәкәтләрдә катнашкан кешеләр саны кими», - диде республика Президенты.
Киләсе елда Бөек Җиңүнең 70 еллыгын бәйрәм итү сугыш хәрәкәтләрендә һәм XX гасырның башка фаҗигале вакыйгаларында һәлак булучыларга хөрмәт билгесе булачак, дип билгеләп үтте Татарстан Президенты.
Бүген ТР Хөкүмәте Йортында Татарстан Республикасы Президентының ел йомгакларына һәм якындагы елларга Татарстан хакимияте органнары бурычларына багышланган зур матбугат конференциясе уза. Очрашуга федераль һәм республика массакүләм мәгълүмат чаралары чакырылган.